Бас прокуратураның Құқықтық статистика және арнайы есепке алу комитетінің Қылмыстық қауіп-қатерлер мен қоғамдық қауіпсіздік тәуекелдерін болжау орталығы жаңа алаяқтық толқын туралы ескертеді.
Шетелдік дереккөздердің ақпараты бойынша (The Guardian, Dzen) зиянкестер жаппай мессенджерлер мен SMS арқылы «жіберіп алған жеткізілім» туралы жалған хабарламалар жібереді.
Бір қарағанда мұндай хабарламалар зиянсыз көрінеді және курьерлік қызметтердің стандартты хабарламаларын еске салады. Мәтінде курьердің сәлемдемені тапсыра алмағаны және жеткізілімді қайта ресімдеу үшін арнайы параққа көшуді ұсынатыны көрсетіледі.
Алайда көрсетілген мекенжай логистикалық компаниялардың ресми ресурстарын толығымен еліктейтін жалған сайтқа апарады.
Пайдаланушыға жеке мәліметтерін — Т.А.Ә., ЖСН, тұрғылықты мекенжайын көрсету, сондай-ақ жеткізілімді қайта жеткізу үшін аз соманы төлеу ұсынылады.
Сақтық шараларын сақтау қажет
Тиісті ақпаратты енгізгеннен және төлем төлегеннен кейін қылмыскерлер құпия деректер мен банк деректемелеріне қол жеткізеді, бұл қаржылық шығындарға ғана емес, сондай-ақ Сіздің дербес деректеріңізді қылмыстық схемаларда әрі қарай пайдалануға да әкелуі мүмкін.
Алаяқтардың құрбаны болмау үшін қарапайым, бірақ маңызды ережелер
- Егер Сіз жеткізілімді күтпейтін болсаңыз, мессенджер және SMS
хабарламалардан сілтемелер арқылы өтпеңіз. - Сайт мекенжайын мұқият тексеріңіз — алаяқтық ресурстар көбінесе
бір немесе екі әріппен, белгілермен ерекшеленеді. - Күдікті ресурстарға құпия және банктік ақпаратты енгізбеңіз.
- Жеткізілімнің мәртебесін курьерлік қызметтердің, логистикалық
компаниялардың ресми сайттары мен қосымшалары арқылы ғана тексеріңіз. - Күдікті хабарламаларды алған кезде оларды елемеңіз және бұғаттаңыз.
Аферистер азаматтардың сенімділігін және жеткізілім туралы хабарламаларға жылдам жауап беру әдетін белсенді пайдаланады. Сондықтан да мұндай схемалар шапшаң таралып, әркімге әсер етуі мүмкін.
Цифрлық ортадағы сақтық — қаржылық ысыраптардан және дербес деректердің жария болуынан ең жақсы қорғау.