Алматы Орталық қалалық клиникалық ауруханасында алғаш рет донорлық нұрлы қабықты алмастыру отасы жасалды. Бірегей офтальмологиялық отаны дәрігер Гүлзат Абдраимованың жетекшілігімен мамандар тобы жүргізді.
IV дәрежелі кератоконус диагнозы қойылған науқас жоғары технологиялық араласудың арқасында көздің көруін қалпына келтіруге мүмкіндік алды.
“Егер ота шұғыл жасалмаса, науқас көру қабілетін толық әрі тұрақты жоғалтар еді. Кератоконустың IV дәрежесінде нұрлы қабық жұқа және шығыңқы болады, көру қабілеті тез нашарлайды және хирургиялық араласусыз оны қайтару мүмкін емес”, — деп түсіндірді дәрігер Гүлзат Абдраимова.
Ота сәтті өтті және науқас қалпына келіп жатыр.
“Мен бұл әлемді көруді қайта үйреніп жатырмын. Тұманда ұзақ жылдар өмір сүргеннен кейін, қайта туғандаймын. Маған үміт пен жарық берген үшін дәрігерлерге рахмет”, – деп ризашылығын білдірді науқас.
Енді көруді қалпына келтіру мүмкіндігі көптеген адам үшін мүмкін болады.
Алматы ОҚКА бүгінде көзішілік линзаны имплантациялауды, витреоретиналды араласуды, реконструктивті хирургияны, глаукоманы, катарактаны емдеуді және халықаралық стандарттарға сәйкес келетін басқа да араласуды қоса алғанда, жоғары технологиялық офтальмологиялық отаның барлық түрін жүргізеді.
Енді офтальмологтардың кәсіби біліктігінің арқасында науқастар кератопластикаға қол жеткізе алады.
АЛМАТЫ ОҚКА-ДА АЛҒАШ РЕТ КӨЗ НҰРЛЫ ҚАБЫҒЫН АЛМАСТЫРУ ОТАСЫ ЖАСАЛДЫ